اخبارالوان المقالات

الحقونا .. نحن ندمر عقول أبنائنا

كتبت : الدكتورة شهيرة عبد الله

بقالنا سنين بنادي ونقول قاطعوا الدروس الخصوصية والناس استمرت في الدروس , المقتدر مش فارقة معاه و التعبان ماديا قطع من قوته وقوت عياله  , و استمر في أنه يعطي دروس لأولاده عشان مايبقاش أقل من أصحابه…والنتيجة ؟ صفر

صفر في الإبتكار و الإبداع عند أولادنا.

صفر في الفهم و الإدراك و أصبح أولادنا مبرمجين.

صفر حتي في الأخلاق لأن مفيش فيها أي دروس ولا حتي في المدرسة.

صفر في شغل المدرسين في المدرسة.

صفر في عقول المدرسين وإبتكاراتهم من أجل الطلاب.

صفر في قيام الأب والأم بدورهم في تعليم وتنشئة أبنائهم .

صفر في الفلوس في جيب كل أسرة  دافعة كل اللي وراها واللي قدامها عشان الدروس الخصوصية عشان حشو عقول أولادها وبس عشان أولادها يأخدوا أعمال السنة وخلاص ,  عشان أولادها ينجحوا حتي لو مابيعرفوش يكتبوا اسمهم.

هل هتستمروا في دفع الأموال الطائلة من أجل هذا الصفر؟

الدروس الخصوصية علمت بعض المدرسين البلطجة داخل الفصول , علمت أولادنا البلاده و التنبلة , علمت أولادنا يحفظوا بدون فهم , علمت أولادنا الرشوة لأن الدروس أصبحت رشوة  لمدرس الفصل عشان ينجح الأولاد , علمتهم يتفننوا في إهدار وقتهم وعمرهم ويتبلدوا.

 علمت أولادنا كل السلبيات.

أرجوكم كفاااية .. كفاية  تنجحوا أولادكم برشوه الدروس الخصوصية في سنين النقل , وتبرمجوهم وتقتلوا الإبداع فيهم في الثانوية العامة بالحفظ و المراجعة ليلة الامتحان واللي فيها الأسئلة.

من ناحيه تانية أسعار الدروس هتتضاعف ….يعني مفيش درس بخمسين وستين جنيه للأطفال،هيبقي ب ١٠٠و١٢٠ وطلاب الثانوية العامة اللي كانو بيدفعوا ١٨٠  أو حتي ١٢٠هيدفعوا الضعف يعني أي درس هيعدي ٢٥٠جنيه كل ٨ساعات , ده غير تاكسيات رايح جاي يعني ١٦مرة  في ٨ حصص  في ٨ جنيه تاكسي = ١٢٨جنيه زيادة مواصلات يعني بحسبة بسيطة المادة  الواحدة تقف ب ٢٥٠+١٢٨تاكسيات= ٣٧٨في ٨حصص بس و الشهر الواحد الطالب بياخد أكتر من ٨ حصص , يعني مش هنبالغ،هنزود بس ٥٠ جنيه كمان، يعني المادة  الواحدة هتقف ب ٤٣٠جنيه ده غير أنك هتدي ابنك مصروف يأكل أو يشرب حاجة .

هل تملك ٤٣٠جنيه *٦مواد كل شهر ؟

هل هتترك بعض المدرسين الذين لا يراعوا الله في شرحهم يستمروا في ذلك؟

هل هتترك ابنك لعدم الفهم و الابتكار وتجعل منه ٱلة؟

هل هتفضل سلبي وترمي المسئولية علي غيرك ومش هتاخد خطوة إيجابية.

 

#لا لمافيا الدروس الخصوصية

#لا لقتل الابتكار والتفكير

#خليك إيجابي وذاكر لابنك وتابعه

#الإسماعيلية تقاطع الدروس الخصوصية

#مصر تقاطع الدروس الخصوصية

 

 

الوسوم
اظهر المزيد

مقالات ذات صلة

اترك رد

إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: