الوان المقالات

والله لسه بدري يا كورنيش البلاچات

كتبت : الدكتورة شهيرة عبد الله 

من زمان وأحنا بنتكلم عن التعديات و المخالفات اللي في كورنيش البلاجات, لكن بصراحة أحنا مكبرين الموضوع أوي،هو المحافظ يعني هيعمل أيه ولا أيه , وبعدين لسه مفيش حاجة كبيرة حصلت في الطريق ده عشان ناخد موقف… لسه بدري.

أيه يعني شويه ناس عايزه تسترزق عملتلها كام نصبه شاي..لسه بدري

أيه يعني شوية بلطجية علي ديلرز علي شمامين بيتقابلو هناك يوميا …لسه بدري

أيه يعني الحلوة تفاحة و شوية مراكب منهم المرخص والغير مرخص تفسح الناس في البحيرة شويه..وحتي لو حد غرق حد كان قاله يروح هناك…لسه بدري

أيه يعني المراكب فيها مخدرات وخمور و تطلع طلعات خاصة..لسه بدري

أيه يعني العشوائية والقرف والقاذورات اللي في الأرض والريحه الوحشه والصوت العالي والسباب والضرب والخناقات..دي حاجات بسيطه بردو…لسه بدري

أيه يعني تلوث سمعي وبصري وحسي و بيئي..بلاش أڤورة بقي…لسه بدري.

أيه يعني يتقال علينا أن الشرطة ماتقدرش تدخل البهتيني ولا تيجي ناحيه أكل عيش البلطجيه..قصدي الغلابه..عادي من خاف سلم…لسه بدري.

أيه يعني كل يوم خناقه والفاظ مالهاش زي و ضرب بمطاوي …بتحصل في أحسن الأماكن…أنا عايزه ساسبنس ..ادوني حاجه كبيره..جريمه قتل مثلا.

طب خد عندك أمبارح جريمه قتل علني في نادي الشبان المسلمين واحد اسمه كوته..يعني اسمه معروف اهو قتل واحد اسمه عمرو عنده ٣٢ سنه بمطوه في قلبه ومات وضرب أخوه جنب القلب وفي المستشفي بين الحياة والموت ..وعارف مين اللي دخلهم بالسلاح الأبيض والعصيان والكلاب والبلطجية ؟..أمن النادي لأنه عارفهم…أيه رأيك حلو الساسبنس ده..ياكل معاك ولا لسه عايز اكتر…ولا بردو لسه بدري.

 

أنا عن نفسي عارفه الرد…محدش هيتحرك..بس خدو بالكم يا مبار اولادكم مابتروحش الشبان المسلمين اهلكن بتروح كافيتريات النورس والبولنج ومعرضين لاي بلطجه ..يعني داين تدان والدور الجاي هلي ابني وابنك ومن هنا لحد ما يحصل حاجهتانيه تهزكم وتهزنا وتخليكم تتحركو..خليكم قاعدين في التكييف.

#لسه بدري والله يا كورنيش البلاچات.

الوسوم
اظهر المزيد

مقالات ذات صلة

اترك رد

إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: