الوان المقالات

محمـد موسـى يكتـب| دايـرة

بقلـــم ـ محمــد موســى

الحرب دايرة

وأنا وانتِ واقفين بالرصاص

بنلون الصورة المغايرة

بنجمل المشهد وبنكمله

ببواقي احلامنا الفشنك

ببواقي اشواقنا اللي فايرة

الحرب دايرة

والساعة دايرة

ورصاصة الحب اللي صابت

قلبي ردت له الحياة

لساها غايرة

المدفعيات التقيلة

جاتها نيلة

بتفرتك الصورة الجميلة

كل ما بنرسمها ليه

بتشخبط الافراح وبتلخبط

كل ترتيب البشر

بتعكر الماية النضيفة

قبل ما يدوقها الشجر

بتقص احلامنا المهيبه

وترص مشاهدها الكئيبه

والكتيبة

والكتاب

بقى صعب يتلاقوا

وانا وانتِ واقفين بالرصاص

رافضين مناخ الخوف واجواءه

واقفين نوصل خط متقطع ما بيننا

واقفين بنمسح خط متوصل

وقافل رسمة الدايرة الغريبة

الوسوم
اظهر المزيد

مقالات ذات صلة

اترك رد

إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: